என் வீடு ......

என் வீடு ......

பெரிய தோட்டம்
அதன் நடுவில் அழகிய சிறிய வீடு
வெளியில் கிராதி கதவு
வாசலில் அகன்ற திண்ணை
தென்னை, மா, நிழலுக்கு வேப்ப மரம்
மா மரத்தை சுற்றி மட்டும் ஒரு மேடை
செம்பருத்தி, முல்லை, வாசனைக்கு மகிழம் பூ
முல்லை படர மட்டும் ஒரு பந்தல்
ஓடி விளையாட மான் , பார்த்து ரசிக்க மயில்
செந்நெல் பொறுக்க புறா, குருவி,
மாமரத்தில் கிளி, குயில்

இது நிஜமல்ல; கனவு....

அடுக்கு மாடி குடி இருப்பு
மூன்றாவது மாடியில் வாசம்
இரண்டு அறை கொண்ட வீடு
ஒரு கூடம்... ஒரு சமையல் அறை
உட்கார்ந்து படிக்க மெத்தையிட்ட நாற்காலிகள்
வெயில் காணாத வெராண்டா
துளசி கூட வாடும் அந்த நிழலில்
பச்சை பசுமை ஏதுமில்லாத
இரும்பு கம்பியிட்ட சிறை

இது கனவல்ல; நிஜம்